Iivesi zeBhayibhile ezithandwayo ezisuka Intaliko 3

Yabelana

Ala umwanachi walola kuno umuti wazipa ukulya, swinya wayemba, swinya wawa muti wakupa umuntu injelu, akuntula chimwi alya; apa nu mulume chimwi alya.

Paponye inzoka yalinji a nchenjele ukulusye inyama zyonsi izyalonde zino Imfumu e Leza welewuzile. Ayino yawuzizye umwanaci iti, Wuzye Leza wawanenile ati, Mutize mulye ivikomwa vyonsi ivya mu chalo?

Nandi mbike uwulwani pakasi pakwe wewe nu mwanachi na pi kwata lyako ni kwata lyakwe; aliwakuma ku mutwe nawe uliwamuluma ku chitende chakwe.

Anena umwanachi ati, Ndiyonjelezya uwulumila nkaninye ku mpapo yako; uliwapapila awana muwulumila, ukuwa uliwaluchila wakwako, nawe aliwa we kapanzya wako.

Wandi uwalya mbali nu kutwinka ku mpumi yako usuke uyize unyochele ku masenga kuno wafumile, amuno we litukumbu, ulinyochela kwi tukumbu swinya.

Nga anena Adamu ati, Amuno utontezile izwi lyakwe wakwako, walya ni chikomwa cha muti wuno nakulesizye, ukuti, Utize ulye, umusili watipwa amuno wewe; mu kuzunkuntika amuno wandi uwalya ichakulya chako mu manda ya wulanzi wako wonsi

Amuwuzya ati, Nga weweni akunenile wati uli chintakwa? Si ulile ivikomwa vya muti wuno nakusunda ukuti utize ulye?

Apano awinga umuntu; nga awika wakerubi wakulu nu lupanga lwa mulilo, luno Iwasenukanga konsi-konsi lwa kapela mu chalo, kukusanchila inzila yino yaya ku muti wawumi.

Umonsi ayita umuchi ati, We Eva; amuno walinji we nyina wa wumi wakwe wonsi awa wumi.