Iivesi zeBhayibhile ezithandwayo ezisuka UISAYA 6

Share

INkosi ke yadanduluka yathi: “Yaz'ba ndiya kuthuma bani na? Ngubani ongaba sisigidimi sethu?” Ke mna ndiphendule ndathi: “Thuma mna; ndiyaya!”

Zazikhwazana zixelelana zisithi: “Hay' isidima, ayisosidima, ayisosidima *kuNdikhoyo uSomandla-onke! Ubungangamsha bakhe bulizalisile ihlabathi jikelele!”

Suka ke mna ndadanduluka ndathi: “Athi ke mna, mntu uludwayi! Kuxa bendingubani kakade ndingumfi nje! Kaloku nokuthetha kwam kuvuza ukona, ibe ke ndimi phakathi kwabantu abathi bakuthetha kurhuq' ukona. Kambe ke naxa kunjalo, uKumkani onguNdikhoyo uSomandla-onke ndimbone ngala wam amehlo!”

Ngonyaka awasweleka ngawo ukumkani u-Uziya, ndayibona iNkosi ihleli kwibhotwe layo eliphakamileyo nelizimasekileyo. Yayizithe wambu ngomnweba owawulurhululu lomwundu-wundu owalitsho lazala qhu elo pomakazi liyindlu yayo.

Safika sandirheca ngalo apha emlonyeni, saza ke sathi: “Uyabona ke, likurhecile nje ngoku eli lahle, buphelisiwe ubutyala kuwe, zaye ke nezono zakho zicanyagushelwe.”

Yayiphahlwe *zizithunywa ezimaphiko ngamathandathu. Ngasinye-ngasinye kuzo, isibini samaphiko sasigqume ubuso, isibini sambathise iinyawo, ukanti ke ngala mabini aseleyo sasiphaphazela.

Sasuka ke esinye sezo zithunywa ezimaphiko saphaphazela seza kum, siphethe ilahle elivuthayo, esasilithathe ngesibambo phaya kwiqonga leziqhumiso.

Ke yona yathi: “Yiya kwaba bantu, uthi kubo: “ ‘Niya kuphulaphula niphulaphule, ningaqondi noko; niya kujonga nijonge, kodwa ningaboni nto!’

Iqhube yenjenje: ‘Yenze gqathu-gqathu ingqiqo yaba bantu; iindlebe zabo uzivale zivingceke tu, namehlo abo ke uwavale mba, hleze babone ngamehlo abo, okanye beve ngeendlebe zabo, mhlawumbi baqiqe ngeengqondo zabo, nto leyo ke iya kubenza basuke beze kum banyangeke.’ ”