Iivesi zeBhayibhile ezithandwayo ezisuka Gen. 3

Share

Ndizvo apo mukadzi aona kuti muti wakanaka kudyiwa nokuti waidakadza madziso, nokuti muti waiya wechidikanwa kuti munhu angwadzwe, wakatora muchero wawo wakaudya; akapawo umweni kumwamuna wake, waiya naye, nayewo wakadya.

Zvino nyoka yaiya nourimbwi kupinda zvikara zvimweni zvomushango zvaakaita Mambo Mwari. Nayo yakati kunomukadzi, “Ngegwinyiso Mwari wakaronza here kuti musazodya kumuti nokuti ngouri womumunda?”

Ndinozoisa ugaa pakati pako nomukadzi, nepakati pemibarirwana yako nemibarirwana yake; mibarirwana yake inozoremadza soro rako, newe unozoremadza chisisinho chake.”

Kumukadzi wakati, “Ndinozowanza kakurutu kurwadziwa kwako mukutora kwako mimba noukosha; mukurwadziwa kukurutu unozobara vana; nokudisisa kwako kunozoa kumwamuna wako, naye unozotonga padera pako.”

Ngeziya rehope yako unozodya kudya, metsa uhwirire kumavhu; ngokuti wakabviswa kwaari; ngokuti uri bukuta, newe unozohwirira kuita bukuta.”

NokunaAdhamu wakati, “Ngokuti wapurutana izwi romukadzi wako, ukadya kumuti wendakakupanga ndechiti, ‘Usazoudya,’ ivhu ratukwa ngendaa yako; unozodya zvinobva kweriri ngokushanda mazuva eshe okupona kwako

Naye wakati, “Ndiani wakuronzera kuti waiya uri mutitinini? Wadya here muti wendakakupanga ndiwo kuti, usazodya?”

Ndizvo wakamudzinga munhu, akaisa ngokumabvazuva kwomunda weEdheni makerubhi, neshoti inovaima nokutenderera kumarupande eshe, kungwarira njira yomuti wokupona.

Munhu wakadudza zina romukadzi wake kuti Evha; ngokuti iye waiya mai waavo veshe vanopona.