Oswald Chambers: Pag asa - Isang Banal na Pangako Halimbawa

Lahat tayo ay nangangailangan ng isang taong magagawang totoo para sa atin ang mga ideya na mayroon tayo tungkol sa Diyos ngunit nakalimutan na natin; ang Kaisa-isang makakagawa nito para sa atin ay ang Espiritu ng Diyos. Ibinalik ni Isaias sa mga tao una sa lahat ang alaala kung sino ang Diyos; hindi ka maaaring magkaroon ng pananampalataya sa sinumang nakalimutan mo na. Hindi ang mga pangako ng Diyos ang kailangan natin, kundi ang Kanyang sarili mismo. "Ang Kanyang presensya ay kaligtasan." Sa sandaling dumating ang Presensya na iyon, ang lahat ng panloob na puwersa ng pag-asa ay sabay-sabay na magsusumigaw.

Sa tuwing sasabihin kong "Gusto kong maipaliwanag ang bagay na ito bago ako magtiwala," hinding-hindi ako magtitiwala. Ang pagiging perpekto ng kaalaman ay dumarating pagkatapos na maisagawa ang pagtugon sa Diyos. Ang buong eksposisyon ng Bagong Tipan sa inspirasyon ng Banal na Espiritu ay upang malaman natin kung saan tayo inilagay ng Pagtubos ng Makapangyarihang Diyos.

Mga Tanong sa Pagninilay: Sa Pasko, sinasabi natin, "Ang presensya ng Diyos ay mas mahalaga kaysa mga regalo." Gusto ko ba talaga ang Kanyang presensya kaysa sa Kanyang mga regalo? Anong regalo ng kaalaman ang mas gusto ko kaysa sa Diyos mismo?

Ang mga sipi ay kinuha mula sa Notes on Isaiah and God’s Workmanship, © Discovery House Publishers