Paglalakbay Tungo sa SabsabanHalimbawa

 Planong Pagtubos ng Diyos

Nang si Jesus ay naparito sa mundo, ang Kanyang sariling bayan ay hindi Siya nakilala. Kahit na ang mga Hudyo na pinagpala ng patotoo ng kanilang mga propeta at isang mahabang kasaysayan ng patuloy na katapatan ng Diyos, hindi pa rin nila nakilala ang pinakahihintay na Mesiyas. Nananatili pa rin sila sa paniniwalang darating Siya upang iligtas sila sa kanilang mga pampulitikang mang-aapi, sisirain ang paganong pagsamba at pagkaalipin mula sa pamamahala ng Roma. Na dadalhin Niya ang kaharian ng Diyos. Sa kanilang isipan, ito ay nangangahulugang muling itatatag ang labindalawang tribo ng Israel sa katanyagan at kapangyarihan.

Ngunit hindi pumarito si Jesus upang gawin ang kanilang inaasahan na pagpapa-alis sa mga paganong mga Hentil. Dumating Siya upang dalhin ang isang kaharian na hindi mula sa mundong ito-at dalhin ang katotohanan at presensya ng Diyos sa isang sirang mundo.

Paano tayong maiiba sa mga taong napalampas ang pagdating ng kanilang Hari kapag ang pagmamataas ay nagbubulag sa atin sa katotohanan ng planong pagtubos ng Diyos? Nawa maging katulad tayo ng iilan na ang espirituwal na mga mata ay nakabukas upang makita ang totoong pagdating ng Kanyang kaharian.

Gawain: Itinuro sa atin ni Jesus na ipanalangin ang pagdating ng Kanyang kaharian. Tanungin ang isang estranghero kung maaari kang manalangin para sa kanyang mga tiyak na pangangailangan.