Ano ang handa ninyo mamaya?

Christmas Eve ngayong gabi! Excited ka na ba? Anu-ano ang handa ninyo sa noche buena? Ngayong maraming call center jobs sa atin, baka naman may trabaho ka mamayang gabi? Di bale, alam naman nating mami-miss ka rin ng pamilya sa salu-salo.

Sa araw na ito, saan ka man naroroon, puwede ba nating i-enjoy together ang Christmas story? Umpisahan natin sa kung paano nabuntis si Maria:

Si Maria na kanyang ina ay nakatakdang ikasal kay Jose. Pero bago pa sila ikasal, nalaman ni Maria na buntis siya sa pamamagitan ng Banal na Espiritu. Si Jose na magiging asawa niya ay isang matuwid na tao at ayaw nitong malagay sa kahihiyan si Maria, kaya ipinasya niyang hiwalayan na lang si Maria nang palihim.

Habang pinag-iisipan ito ni Jose, nagpakita sa kanya sa panaginip ang isang anghel ng Panginoon at nagsabi, “Jose, na mula sa angkan ni David, huwag kang matakot na pakasalan si Maria dahil ang pagbubuntis niyaʼy sa pamamagitan ng Banal na Espiritu. Manganganak siya ng isang lalaki at papangalanan mo siyang Jesus, dahil ililigtas niya ang kanyang bayan sa kanilang mga kasalanan.” (Mateo 1:18-21 ASND)

Nakikita mo ba? Sa simula pa lang ay nakatakda nang si Jesus ang magiging tagapagligtas natin. Ito pala ang totoong purpose at meaning ng Christmas, ang pagsilang ng tagapagligtas ng buong mundo.

Tingnan natin ang kasunod na nakasulat sa Bible:

Nangyari ang lahat ng ito upang matupad ang sinabi ng Panginoon sa pamamagitan ng propeta, “Magbubuntis ang isang birhen at manganganak ng isang lalaki. Tatawagin siyang Emmanuel” (na ang ibig sabihin, “Kasama natin ang Dios”). Nang magising si Jose, sinunod niya ang sinabi ng anghel at pinakasalan niya si Maria. (Mateo 1:22-24 ASND)

Totoo nga, kasama natin ang Diyos; kasama natin ang ating Tagapagligtas!

Isa kang miracle!