Paghahanap ng KapayapaanHalimbawa

Mapayapa sa Ating Mga Sarili 

Kadalasan ang pinakamatindi nating laban para sa kapayapaan ay nangyayari sa loob ng ating mga sarili. Mayroong isang lolo na nagkwento sa kanyang apong lalaki, "Pakiramdam ko ay may dalawang lobo na naglalaban sa aking puso. Ang isang lobo ay mapaghiganti, galit at marahas. Ang isa naman ay mapagmahal at mahabagin. At nang tanungin ng apo, "Alin sa mga lobo ang mananalo sa laban ng iyong puso?" Ang sagot ng lolo ay, "Ang aking pinapakain."

Tayo ang pumipili kung anong ipakakain natin sa ating mga kaluluwa. Anong uri ng mga kaisipan ang mayroon ka tungkol sa iyong sarili? Kailangan nating harapin araw-araw ang ating mga iniisip at dapat tayong maging maingat kung paano natin haharapin ang ating mga pangamba. Hinihikayat tayo ng banal na kasulatan upang hanapin ang kapayapaan sa ating mga sarili sa pamamagitan ng pagpapaubaya ng ating mga alalahanin sa Diyos at pagpayag sa Kanyang bantayan ang ating mga puso at isipan, kahit pa ito ay hindi natin lubusang naiintindihan. 

Kawikaang Aprikano

Ang balat ng leopardo ay maganda, subalit ang puso nito ay hindi. ~Kawikaan sa Baluba

Mayroong mapaghamong artikulo sa Rhythms site ng Tearfund na mahalagang mabasa natin, na nagtatanong kung ang atin nga bang pagkakakilanlan ay maibabatay ayon sa mga damit na ating isinusuot.

Aksyon:  

Madalas nating natatagpuan ang pagkakakilanlan sa ating mga ari-arian. Pumunta sa iyong paboritong bilihan ng damit, hindi para bumili, kundi maglakad lamang sa mga pasilyo nito at gamitin ang pagkakataong ito upang pag-isipan ang iyong mga pangangailangan. Mag-alay ng isang dasal ng papuri sa Diyos sapagkat binihisan Niya tayo ng pagkamakatuwiran. Hilingin mo sa Diyos na tagpuin ka Niya at makalabas ka sa tindahang iyon na walang binili, sa pag-iisip na ikaw ay pumasok doon upang maghanap ng bagay na tanging Diyos lamang ang makakapagbigay.