Mahalin Nang Lubos ang Diyos: Takot & KabalisahanHalimbawa

Binabalaan tayo ng Efeso patungkol sa epekto ng mga emosyon sa ating mga pananalita at gawa. Sinasabihan tayo ni Pablo na kung magagalit man tayo, iwasan nating magkasala (Mga Taga-Efeso 4:26). Ang siping ito na mula sa Mga Awit 4:4 ay paalala sa ating pamahalaan ang ating mga emosyon imbes na hayaan ang mga itong kontrolin ang ating mga kilos. Ang ating mga salita ay marapat na maging mekanismong makakabuti, kaysa sa makakasira. 

Ang bigyan ng panahon ang Espiritu na mangusap sa atin at sa pamamagitan natin bago sumagot, mas lalo na kung tayo'y naliligalig, ay makakatulong sa ating tumugon nang may kahinahunan. Sa paggawa nito, ang sasabihin natin ay mga salitang kapaki-pakinabang imbes na hindi kanais-nais.

Paano naimpluwensyahan ng mga emosyon ang iyong mga tugon sa iba noong nakaraan? Paano mo maiiwasang pangunahan ng takot ang iyong mga salita sa hinaharap? Nais ng Diyos na tayo'y maging mga sisidlan ng Kanyang pag-ibig at habag. Ang ating mga bibig ay isang pangunahing daang makakapaghatid tayo ng Kanyang mensahe sa mundo.

Diyos Ama, Salamat sa Iyong kagandahang-loob. Tulungan akong ang mga salita ko'y makapangusap ng kagandahang-loob sa mundong nakapaligid sa akin bawat araw. Panalangin kong mapamahalaan ko ang aking mga emosyon, nang wasto kong maipamalas Ka sa aking buhay. Patawarin ako sa mga pagkakataong hinayaan kong ang takot ang mangibabaw sa aking mga salita. Amen.