Mahalin Nang Lubos ang Diyos: Takot & KabalisahanHalimbawa

Ginamit ni Pablo ang mga pandigmang kagamitan at sandata upang maisalarawan ang mga batayan ng ating pananampalataya. Ang sinturon ng katotohanan ang panimulang kinakailangan na pagdudugtungan ng ibang bahagi. Ang pundasyon ng ating pananampalataya ay ang katotohanan ng Ebanghelyo. Kailangang sa katotohanang ito natin itatag ang lahat ng iba. Ang baluti ng katuwiran ang mekanismong nag-iingat sa ating mga puso. Sa pamamagitan ng pamumuhay ayon sa mga pamantayan ng Diyos, iingatan natin ang ating mga sarili laban sa tukso. Tayo'y maging handa at buo ang loob sa Magandang Balitang naghahatid ng kapayapaan. Sa gayon, kapag may sumalakay, matatag pa rin tayong makakatayo sa ating pananampalataya.

Ang ating panangga kapag sinalakay ay ang pananampalataya. Noong mga sinaunang labanan, ang kawal ay lumalaban nang may kasiguruhan dahil sa proteksyon ng kanyang helmet. Ang ating kasiguruhan at kumpiyansa ay nagmumula sa ating kaalaman ng ating kaligtasan. Nangako ang Diyos na lalaban kasama at para sa atin.  

Ang tanging sandatang ibinibigay sa atin para sa ating mga labanan ay ang Salita ng Diyos. Huwag nating kakalimutan ang kapangyarihan ng pangalan ni Jesus. Hindi lang ito isang pangwakas sa panalangin, kundi paraan ng pagsusumamo para sa pamamagitan ng Panginoong Makapangyarihan sa lahat.

Binibigyan tayo ng Panginoon ng pandigmang kagamitan at sandata, ngunit tayo ang dapat magsuot at gumamit ng bawat bahagi. Habang nakikipaglaban ka sa iyong mga kasalukuyang laban, anong bahagi ng pandigmang kagamitan at sandata ang kailangan mong gamitin nang mas lubos pa?

Diyos Ama, salamat sa pagbibigay Mo ng lahat ng aking mga kinakailangan para sa tagumpay. Tulungan akong maalala na Ikaw lang ang kailangan ko. Turuan akong umasa sa Iyo kaysa sa sarili kong lakas. Salamat sa Iyong proteksyon at Iyong pagliligtas. Tulungan akong maitatag ang aking pananampalataya habang natututunang mas magtiwala sa Iyo. Sa pangalan ni Jesus, Amen.