In Our Place: Mga Debosyong Pang-Kuwaresma Mula sa Time of GraceHalimbawa

Masayang umawit Nakatutuwang pakinggan ang mga batang nais intindihin ang mga katangian ng dakilang Diyos--batid ang lahat, makapangyarihan, walang hanggang magpakailanman.“ “Tatay, kung ang Diyos ay makapangyarihan, ibig sabihin ay kaya Niyang gawin lahat, diba?” “Oo.” “Hmmm, ibig sabihin, kaya Niyang gumawa ng malaking-malaking bato at buhatin yun?” Ang Diyos ay makapangyarihan, subalit may mga bagay na hindi Niya gagawin. Tutol Siyang pilitin ang sinuman na sumamba sa Kanya. Ang pagsamba, gaya ng pag-ibig, ay hindi mapipilit. Ito ay dapat may pag-kusa o magiging balewala. Sa araw na ang Haring Jesus ay sumakay sa kanyang maliit na sasakyan papuntang Jerusalem, marahil ay labis ang tuwa niya sa mga papuri at hosana ng mga nadaanan niya. Tiyak na may pananampalataya sa Israel! Subalit may ilang hindi magbibigay nito. “Ilan sa mga Pariseo na nanunuod ay nagsabi kay Hesus, ‘Guro, patigilin nga po ninyo ang inyong mga alagad!’ ‘Sinasabi ko sa inyo,’ sabi niya, ‘kapag tumahimik sila, ang mga bato na ang siyang sisigaw.’” (Lucas 19:39,40). Ang Diyos ay pupurihin. Kaya Niyang pakantahin ang mga bato kung maubusan ng boses ang mga anghel. Subalit hindi ka niya pipilitin. Itong Linggo ng mga Palaspas, ibigay sa mapagkumbabang Lingkod-Hari, na buong loob na tinahak ang daan patungo sa kalbaryo upang mabigyan ka ng buhay. Iwasiwas ang mga palaspas; lumuhod; isuko ang puso; at ibigay ang pagtalima, pagsamba, at pagtulong sa nangangailangan.