Parenting by Design na Pang-Araw-Araw na GabayHalimbawa

ANG KAPANGYARIHAN NG PANALANGIN Noong mga unang panahon ng Simbahan, kapag nahaharap ang mga Kristyano sa mga pagsubok, dumudulog sila sa Diyos sa pamamagitan ng panalangin at saka sila binibiyayaan ng kapangyarihan ng Espiritu Santo. Wariin sa isipan ang tagpong ito, na ang silid kung saan nananalangin ang mga tao ay "umalog" dahil sa kapangyarihan ng Diyos! Sa bawat panahon, itinuturo ng Bibliya na manalangin tayo at ipinangangako ang kapangyarihan ng Espiritu, ngunit kadalasan ay nakasalalay tayo sa ating sariling kakayahan sa pagharap sa mga pagsubok ng buhay, kasama na ang pamamatnubay bilang magulang.

Di hamak na mas madali ang isuko sa Diyos ang ating sarili at mga anak, at umasa sa Espiritu na palakasin tayo upang harapin ang ating mga pagsubok sa buhay. Ngunit kailangan nito ng matibay na pananampalataya. Ang kakulangan ng pananampalataya ay magdudulot ng pagsandig sa ating sariling kakayahan, kaysa sa kapangyarihan ng Banal na Espiritu.

Maging huwaran ng pananalig sa kapangyarihan ng panalangin at pananampalataya sa Diyos habang ikaw ay humaharap sa mga hamon ng pagiging isang magulang.