Oswald Chambers: Kapayapaan - Buhay sa EspirituHalimbawa

Dakilang bagay ang maipasuri ang ating espirituwal na paningin sa Makalangit na Optiko, na matunghayan kung paano Niya iwinawasto at isinasaayos ang ating paningin. May isang hindi mapasusubaliang patunay na ipinangako sa atin si Jesus, at iyan ang kaloob na Kanyang kapayapaan. Gaano man kakumplikado ang sitwasyon, isang sandaling pakikipag-ugnay kay Jesus at mawawala ang kaguluhan, mawawala ang pagkasindak, ang lahat ng mababaw na kahungkagan ay mawawala, at ang Kanyang kapayapaan ang hahalili, ganap na katiwasayan, dahil sa sinasabi Niya: "Ibinigay na sa akin ang lahat ng kapangyarihan..."

O, ang lubos na kapayapaan at kagalakan at kasiyahan kapag tayo ay nakakatiyak na walang "makapaghihiwalay sa atin sa pag-ibig ng Diyos na ipinagkaloob sa atin sa pamamagitan ni Cristo Jesus na ating Panginoon."

Mga Tanong sa Pagninilay: Paano sinuri at iwinasto ng Diyos ang aking espirituwal na paningin? Ano ang nakikita ko nang mas malinaw ngayon? Paano tinatanggal ng kaliwanagan ang kaguluhan at takot?

Mga siping ginamit ay mula sa So Send I You and The Love of God, © Discovery House Publishers