బైబిల్ సజీవంగా ఉందినమూనా

బైబిలు మనకు శక్తినిస్తుంది

ఒక పరాయి దేశస్తునికి నిన్ను నీవు “వదరుబోతు” అన్న అర్ధం వొచ్చే పేరుగల ఒక జాతికి చెందినవాడివని పరిచయం చేసుకుంటే ఎలా ఉంటుందో ఊహించుకో. “పాపోలుక” అంటే కూడా అదే అర్ధం, అది మెక్సికో లోని వేరక్రూజ్ ప్రాంత ప్రజలకు మరియు వారి భాషకు చెందింది.

ఈరోజుకు కూడా “పాపోలుక” అనే మాట ఆ ప్రాంతములో ఆ భాష మాట్లాడే 35,500 మంది ప్రజలను సూచించటానికి వాడబడుతుంది. ఆ భాష మాట్లాడే వాళ్ళు మాత్రం దాన్ని “నుంటాజియి” అని అంటారు - అంటే “సూటిగా మాట్లాడటం”

కొందరికి నుంటాజియి అంటే లెక్కలేకుండా ఉండొచ్చు కానీ వారి భాషలో క్రొత్త నిబంధన చదవగలిగిన మరియు వినగలిగిన వారికి మాత్రం దాన్ని సృష్టించిన వాడికి అది చాల ప్రాముఖ్యం అని అర్ధం ఆవుతుంది. కారొలీనా ఈ ప్రజలలో ఒకరు. పాపోలుక క్రొత్త నిబంధన అనువాదకుడి మనవరాలు, ఉన్నత విద్యనభ్యసించిన మొట్ట మొదటి పాపోలుక స్త్రీ, ఈ కారొలీనా. ఆమె తన భాషలో దేవుని వాక్యాన్ని పంచుకోవాలి అని తన జీవితాన్ని దానికి సమర్పించుకున్నారు. ఆమె ఇప్పుడు 50 కీర్తనలు తర్జుమా చెయ్యటానికి ఒక బృందాన్ని నడిపిస్తున్నారు.

“మనము స్పానిష్ భాషలో బైబిల్ చదివినప్పుడు, సమయం వృధా అయిపోయినట్టుగా అనిపిస్తుంది. కానీ మన భాషలో చదివినప్పుడు, అది మన హృదయములోనికి చేరుకుంటుంది. అది మన హృదయాన్ని తాకుతుంది - మనల్ని కదిలిస్తుంది - ఎందుకంటే అది మనకు అర్ధమౌతుంది కాబట్టి.”

కారొలీనా YouVersion సముదాయములో ఒక చురుకైన భాగం, ఆమె నుంటాజియి భాషలో దేవుని వాక్యాన్ని చదవడానికి YouVersion ను క్రమం తప్పకుండా వాడుతారు.

“మీ యాప్ లో మా మాటలు పెట్టినందుకు మాకు చాల సంతోషంగా ఉంది, ఎందుకంటే ప్రసిద్ధి గలిగిన భాషలన్నిటి మధ్య మా భాష కూడా ఉండటాన్ని ప్రపంచములో అందరు చూడగలుగుతారు. అనేకసార్లు మా భాషకు విలువ లేకపోవడం చూస్తుంటాము, కానీ ఈ ఆప్ లో, మా భాషకు ఎంతో విలువ విలువ ఉంది.”

ఈరోజు ఒక్క క్షణం సమయం తీసుకొని మీ భాషలో బైబిల్ కలిగి ఉన్నందుకు దేవునికి వందనాలు చెప్పండి. ఈరోజు కారొలీనా మరియు వేలమంది ఇతర బైబిల్ తర్జుమాదారులు ప్రపంచ వ్యాప్తంగా పని చేస్తున్నందుకు దేవునికి వందనాలు తెలియజేయండి. వారి నమ్మకత్వము మరియు అభిలాషలను బట్టి, దేవుని వాక్యము, దానిని విని అర్ధం చేసుకున్న వారి గుర్తింపులను మారుస్తూ భూమి మీద ప్రతి ప్రాంతానికి విస్తరిస్తుంది.