ஆராதனையில் தேவனை தேடுவதுமாதிரி

ஆராதனை! நம் அனைவருக்கும் பழக்கப்பட்ட ஒன்று. ஒவ்வொருநாளும் நமது அன்பை, பக்தியை, மரியாதையை ஏதோ ஒன்றிற்கு அல்லது யாரோ ஒருவருக்கு காண்பிக்கின்றோம். நாம் யாரை அல்லது எதனை ஆராதிக்கின்றோம் என்பதை சிந்தித்துப்பார்க்க வேண்டும். அநேக நேரங்களில் நாம் இந்த உலகத்திற்கடுத்த காரியங்களையே ஆராதிக்கின்றோம். ஆனால், நாம் என்று கர்த்தர் யார் என்பதையும் அவர் எத்தனை மகத்துவம் நிறைந்தவர் என்பதை உணர்கிறோமோ, அன்றைக்கு தான் நமது ஆராதனை அர்த்தமுள்ளதாக மாறுகிறது.

ஒரு மாலை வேளையில் நாங்கள் குடும்பமாக கூடைப்பந்து விளையாட்டை காண சென்றிருந்தோம். விளையாட்டு வீரர்கள் அனைவரும் வண்ணப்பட்டாசுகளின் (கட்டிடத்தின் உள்ளேயே) நடுவே வரிசையாக அரங்கத்திற்குள் வந்தனர். என் பிள்ளைகள் இதனை மிகுந்த ஆச்சர்யத்தோடு பார்த்துக்கொண்டிருந்தனர். அரங்கம் முழுவதும் உயர்தர ஒலிபெருக்கிகளாலும் ஒளித்திரைகளாலும் நவீனமயமாக காட்சியளித்தன. ஒலிபெருக்கியிலிருந்து எழும்பிய சத்தம் அரங்கம் முழுவதும் இருந்த பார்வையாளர்களின் கரகோஷத்தை கேட்டுக்கொண்டது.

முழு அரங்கமும் ரசிகர்களின் கோஷங்கள், ஆரவாரம், விசில் என்று சத்தங்களினால் நிறைந்திருந்தது. அனைவரும் ஆச்சர்யமூட்டும் வகையில் தங்கள் விருப்ப அணிக்கு உற்சாகத்தை கொடுத்துக்கொண்டிருந்தனர். நான் சுற்றிலும் பார்த்தபொழுது ஒரு வாலிபன் தனது விருப்ப அணியின் பெரிய தொப்பியை அணிந்திருந்தான். வேறு சில இளைஞர்கள் தங்கள் விருப்ப அணியை குறிக்கும் வண்ணங்களை தங்கள் முகங்களில் பூசியிருந்தனர். வீரர்கள் நன்றாக விளையாடினார்களோ இல்லையோ ரசிகர்கள் அனைவரும் வியாபாரமாக்கப்பட்டிருந்தார்கள். இதுவும் ஒருவிதமான ஆராதனை முறை தான்.

எனது பிள்ளைகளும் விளையாட்டு துறையில் இருந்ததால், தங்கள் விருப்ப அணி மீதான ஒரு ரசிகனின் ஆர்வத்தை என்னால் புரிந்துகொள்ள முடிகிறது. ஒரு அணியை உற்சாகப்படுத்தும் ஒரு ரசிகராகவும், அந்த அணியின் வேராகவும் இருப்பது ஆனந்தமான ஒரு காரியம் தான். இதே போன்ற (இதை விட பெரிய) ஆர்வத்தையும் உற்சாகத்தையும் தான் தேவன் நம்மிடம் தமக்கென்று எதிர்பார்க்கிறார். நட்சத்திர விளையாட்டு வீரர்களை காட்டிலும், நட்சத்திரங்களை எல்லாம் பெயரிட்டு அழைக்கிற நம் தேவன் எத்தனை அதிகம் கனத்திற்கு பாத்திரர்!
ஒவ்வொரு ஆட்டத்திற்கும் மாறும் வெவ்வேறு ஆட்டநாயகர்களை போல் அல்ல. எல்லா காலங்களிலும், எல்லா நேரத்திற்கும் நித்திய நித்தியமாக அவரே நாயகர்! அவரே அல்பாவும், ஒமேகாவும், ஆதியும் அந்தமுமானவர். அவர் ராஜாதி ராஜா, கர்த்தாதி கர்த்தர்! இருக்கிறவராவே இருக்கிறேன் என்றவர்!

நான் இன்று ஜெபத்தில் கேட்பது ஒன்றே ஒன்று தான். இந்த சிறிய தியான திட்டம் சகல துதிக்கும் கனத்திற்கும் பாத்திரரான நமது ஒரே மெய்யான தேவனோடுள்ள உங்களது உறவை வலுப்படுத்தி நீங்கள் இன்னும் ஆராதனையின் ஆழங்களுக்குள் நீந்த உங்களை உற்சாகப்படுத்தட்டும். என்னோடு கூட இந்த ஜெபத்தை நீங்களும் செய்யுங்கள். நிச்சயம் உங்கள் வாழ்வில் ஒரு மாற்றத்தை காண்பீர்கள். ஆமென்?