Soma Biblia Kila Siku 01/2025Mfano

Upo msemo wa Kiswahili usemao, “Leo ni leo, asemaye kesho ni muongo”. Mungu hutoa zawadi ya kuishi tukiamka kitandani na kuona siku nyingine mpya imeanza. Kila siku anatutayarishia matendo mema tuyatende. Usingoje kesho, hujui itakuwaje kwako. Hali kadhalika tusipange siku zijazo kana kwamba tunaweza kuziamua sisi wenyewe, bali tujitoe kwa mapenzi ya Mungu, tukimwomba atulinde dhidi ya kiburi, na atupe neema, nia na ujasiri wa kuyatenda. Huu ndio uzima wetu tulio nao kila siku katika Yesu.