Soma Biblia Kila Siku 09/2024Mfano

Yoashi anafuata mapenzi ya Bwana muda wote kuhani Yehoyada anapomshauri. Anaamuru sadaka za nadhiri na za kujitolea zitumike kwa kukarabati hekalu. Lakini kazi hii haiendi sawa. Je, makuhani hawakuwa waaminifu au walikosa bidii tu? Hatujui. Lakini hata baada ya kutawala miaka 23 bila mafanikio Yoashi hajakata tamaa, bali anaweka utaratibu mwingine ili kuhakikisha fedha inayokusanywa inakwenda kwenye mfuko wa ujenzi. Tujifunze kwake ikiwa usimamizi wa fedha ya kanisa una changamoto.