Soma Biblia Kila Siku 08/2024Mfano

Wakati wa utawala wa Manase na Amoni, kipindi cha miaka 57 hivi, kilizaliwa kizazi ambacho hakikujua sheria ambazo Musa alipewa na Mungu kwa ajili ya taifa la Israeli. Mfalme Yosia aliporuhusu kazi ya kurekebisha hekalu ianze, ndipo mafundi wakakiona kitabu cha torati kilichohifadhiwa humo. Kwa Yosia, ambaye alimcha Bwana, hii ilikuwa habari njema kuwashirikisha watu. Tukimtumikia, Mungu aweza kutuonesha mambo mazuri ya sirini, lakini pia mambo ya kutisha. Hapa tunahitaji kutafakari sana m.13:Enendeni, mkamwulize Bwana kwa ajili yangu, na kwa ajili ya watu hawa, na kwa ajili ya Yuda yote, katika habari za maneno ya kitabu hiki kilichoonekana; kwa kuwa hasira ya Bwana ni kubwa aliyotukasirikia, kwa sababu baba zetu hawakuyaangalia maneno ya kitabu hiki, kufanya kama hayo yote tuliyoandikiwa.