Soma Biblia Kila Siku 02/2024Mfano

Mungu alipolichagua taifa la Israeli kuwa teule, alikuwa na mpango nalo. Wito wake kwao ni kuwatenga ili wawe watakatifu kama yeye. Uteule wao unapaswa uonekane katika kumtumikia Mungu kwa uaminifu na kweli. Utakatifu wa Mungu unasisitizwa kwa kuwepo kwa makuhani, mavazi, hema na sadaka. Somo linahusu maandalizi ya hayo yote. Angalia kuwa ndio utakatifu wa Mungu unaofanya vitu vyote kuwa vitakatifu, kama Mungu mwenyewe anavyoeleza katika m.43,Nami nitakutana na wana wa Israeli hapo, na hiyo Hema itafanywa takatifu na utukufu wangu. Je, unamwendea Mungu ukiwa katika hali gani? Umemruhusu kukutakasa? Zingatia 1 Kor 6:19-20,Hamjui ya kuwa mwili wenu ni hekalu la Roho Mtakatifu aliye ndani yenu, mliyepewa na Mungu? Wala ninyi si mali yenu wenyewe;maana mlinunuliwa kwa thamani. Sasa basi, mtukuzeni Mungu katika miili yenu.