Soma Biblia Kila Siku 02/2024Mfano

Mungu mtakatifu anawaita watu wake washiriki katika huduma yake takatifu. Katika huduma hii mavazi yalikuwa na maana kubwa. Kwanza, Mungu alimtambulisha Kuhani Haruni kwa njia ya mavazi yake, ili huyu asife alipomkaribia Mungu na kufanya huduma.Nayo itakuwa juu ya Haruni akitumika; na sauti ya hizo njuga itasikilikana hapo aingiapo ndani ya mahali patakatifu mbele ya Bwana na hapo atokapo nje, ili kwamba asife....Haruni na wanawe watazivaa, hapo watakapoingia katika hema ya kukutania, au hapo watakapoikaribia madhabahu ili watumike katika mahali patakatifu; wasije wakachukua uovu, wakafa; hii itakuwa ni amri ya milele kwake yeye, na kwa wazao wake(m.35 na 43). Pili, kwa jinsi ya kimfano, kile kibati cha dhahabu alichovaa Haruni kwenye paji la uso wake kitachukua lawama ya makosa yanayofungamana na vitu ambavyo watu walimtolea Mungu.Litakuwa katika kipaji cha uso cha Haruni, na Haruni atauchukua uovu wa vile vitu vitakatifu, watakavyovitakasa hao wana wa Israeli katika vipawa vyao vyote vitakatifu, nalo litakuwa katika kipaji chake cha uso sikuzote, ili kwamba vipate kukubaliwa mbele za Bwana(m.38). Siku hizi si suala la mavazi fulani, bali kumvaa Kristo.