Soma Biblia Kila Siku 02/2024Mfano

Mavazi ya kikuhani yalibeba maana pana kuliko mavazi ya kawaida. Vile vito 12 viliwakilisha watu wa Mungu (m.21,Vile vito vitakuwa sawasawa na majina ya wana wa Israeli, kumi na viwili, sawasawa na majina yao; mfano wa kuchora kwa muhuri kila kimoja sawasawa na jina lake, vitakuwa vya hizo kabila kumi na mbili). Urimu na Thumimu vilikuwa vitu vidogo viwili vilivyotumiwa na kuhani katika kutafuta mapenzi ya Mungu. Inafikiriwa viliweza kuonyesha ‘ndiyo’ au ‘siyo’ yake. Maamuzi yalihusu laana au ukamilifu. Vifaa hivi viliwekwa kifuani pa kuhani.Utie hizo Urimu na Thumimu katika kile kifuko cha kifuani cha hukumu; nazo zitakuwa juu ya moyo wa Haruni, hapo atakapoingia ndani mbele ya Bwana; na Haruni atachukua hukumu ya hao wana wa Israeli juu ya moyo wake mbele ya Bwana daima(m.30). Siku hizi mtumishi wa Mungu anapaswa kutumia Neno la Mungu kwa hekima na uangalifu katika kufanya maamuzi yanayohusu maisha ya wanaohudumiwa.