Soma Biblia Kila Siku 02/2024Mfano

Mungu anafanya agano na watu wake. Msingi wa agano ni damu ya upatanisho. Hivyo watasafiri pamoja na Mungu kila siku; hata imekuwa kana kwamba hii safari yao ni ya Mungu pia. Safari yao ina maelekezo ya Mungu ambayo wayafuate ili wasikose baraka ya walipo na kule waendako. Safari yetu pia iko chini ya damu ya agano ambayo ni damu ya Yesu ya upatanisho. Katika m.8 imeandikwa kwambaMusa akaitwaa ile damu, akawanyunyizia watu, akasema, Hii ndiyo damu ya agano alilolifanya Bwana pamoja nanyi katika maneno haya yote.Tafakari jinsi maana yake ilivyofafanuliwa katika Agano Jipya:Hii ni damu ya agano mliloamriwa na Mungu(Ebr 9:20).Basi, Mungu wa amani aliyemleta tena kutoka kwa wafu Mchungaji Mkuu wa kondoo, kwa damu ya agano la milele, yeye Bwana wetu Yesu,awafanye ninyi kuwa wakamilifu katika kila tendo jema, mpate kuyafanya mapenzi yake, naye akifanya ndani yetu lipendezalo mbele zake, kwa Yesu Kristo; utukufu una yeye milele na milele. Amina(Ebr 13:20-21).Mungu Baba alitangulia kuwajua katika kutakaswa na Roho, hata mkapata kutii na kununyiziwa damu ya Yesu Kristo(1 Pet 1:2). Wewe je, unasafirije katika safari yako kwenda mbinguni? Umetwaliwa na damu ya agano jipya?