Soma Biblia Kila Siku/ FEBRUARI 2023Mfano

Kifo kinaweza kumpata yeyote bila kujali anaishi maisha matakatifu au maisha ya dhambi. Lakini tukumbuke kuwa tunatakiwa kuacha alama na ushuhuda mzuri tukifa. Inaonekana kwamba Abia, pamoja na kuwa mwana wa mfalme asiyemcha Mungu, yeye mwenyewe aliishi maisha yaliyompendeza Mungu. Kwa hiyo Israeli wote watamlilia, na kumzika, kwa maana ndiye peke yake wa Yeroboamu atakayeingia kaburini; kwa sababu limeonekana ndani yake jambo lililo jema kwa Bwana, Mungu wa Israeli, nyumbani mwa Yeroboamu (m.13). Kumbe hata ukiishi katikati ya jamii inayoabudu miungu, unaweza kufanikiwa kuishi maisha yanayompendeza Mungu. Inawezekanaje? Mkaribieni Mungu, naye atawakaribia ninyi (Yak 4:8).