Pata programuSoma Biblia Kila Siku Machi/2022Mfano
Alipofika karibu aliuona mji, akaulilia(m.41). Yesu ni nabii. Baba yake amemwonyesha yatakayotokea katika mji huu. Anajua kwamba atakapoanza kuteseka, karibu watu wote ambao sasa hivi wanamshangilia, watamwacha na kumkana. Kwanzawatu wote walikuwa wakiandamana naye, wakimsikiliza(m.48). Lakini baadaye hali itabadilika, Yesu anasema:Ee Yerusalemu, Yerusalemu, uwauaye manabii, na kuwapiga kwa mawe wale waliotumwa kwako! Ni mara ngapi nimetaka kuwakusanya pamoja watoto wako, kama vile kuku avikusanyavyo pamoja vifaranga vyake chini ya mabawa yake, lakini hamkutaka! Angalieni, nyumba yenu mmeachiwa hali ya ukiwa. Kwa maana nawaambia, Hamtaniona kamwe tangu sasa, hata mtakaposema, Amebarikiwa ajaye kwa jina la Bwana(Mt 23:37-39). Anajua kwamba adhabu ya Mungu juu ya mji huu haitakawia kuja kwa sababu watamkataa na kumwua Mwana wake mpendwa. Ilipita tu miaka 37 tangu siku hiyo, ndipo unabii wa Yesu ulitimizwa. Yerusalemu uliangamizwa na kubomolewa kabisa na jeshi la Warumi!
Andiko
Kuhusu Mpango huu
Soma Biblia Kila Siku Machi/2022 ni mpango wa kusoma Biblia sehemu kwa sehemu kila siku kwa mwezi wa Machi pamoja na maelezo mafupi yatakayokusaidia kuelewa kwa urahisi na kuendelea kutafakari neno la Mungu ulilosoma kwa siku husika. Katika mpango huu utasoma zaidi katika kitabu cha Maombolezo na Luka. Karibu kujiunga na mpango huu na usome bure.
More
Tungependa kuwashukuru Soma Biblia kwa kutoa mpango huu. Kwa habari zaidi, tafadhali tembelea: http://www.somabiblia.or.tz/
