Pata programuSoma Biblia Kila Siku Machi/2022Mfano
“Haki huinua taifa; bali dhambi ni aibu ya watu wo wote”(Mit 14:34). Ndivyo tunavyoweza kushuhudia katika somo la leo. Yerusalemu umepatwa na ukiwa kwa sababu ya dhambi. Uovu wake hufananishwa na umalaya. Sasa Waisraeli wametendewa kama mwanamke wa namna hiyo.Yerusalemu amefanya dhambi sana; Kwa hiyo amekuwa kama kitu kichafu; Wote waliomheshimu wanamdharau, Kwa sababu wameuona uchi wake; Naam, yeye anaugua, Na kujigeuza aende nyuma. Uchafu wake ulikuwa katika marinda yake; Hakukumbuka mwisho wake; Kwa hiyo ameshuka kwa ajabu; Yeye hana mtu wa kumfariji; Tazama, Bwana, teso langu; Maana huyo adui amejitukuza(m.8-9). Wapenzi wake wamegeuka kuwa maadui. Wababeli wameingia hadi mahali patakatifu na kuchukua vitakatifu (mwaka 586 KK). Waisraeli wamebadilisha hata vitu vyao vya thamani ili wapate chakula. Kutomwamini Mungu ni kubaya.
Andiko
Kuhusu Mpango huu
Soma Biblia Kila Siku Machi/2022 ni mpango wa kusoma Biblia sehemu kwa sehemu kila siku kwa mwezi wa Machi pamoja na maelezo mafupi yatakayokusaidia kuelewa kwa urahisi na kuendelea kutafakari neno la Mungu ulilosoma kwa siku husika. Katika mpango huu utasoma zaidi katika kitabu cha Maombolezo na Luka. Karibu kujiunga na mpango huu na usome bure.
More
Tungependa kuwashukuru Soma Biblia kwa kutoa mpango huu. Kwa habari zaidi, tafadhali tembelea: http://www.somabiblia.or.tz/
