Pata programuSoma Biblia Kila Siku Machi/2022Mfano
Mungu ndiye mwenye uwezo wa kumwinua au kumshusha mtu. Maafa yaliyokuja katika Yuda yalikuwa ni kazi yaMungu. Kutokana na 1:8, shida ilikuwa ni dhambi ya Yuda:Yerusalemu amefanya dhambi sana; Kwa hiyo amekuwa kama kitu kichafu; Wote waliomheshimu wanamdharau, Kwa sababu wameuona uchi wake; Naam, yeye anaugua, Na kujigeuza aende nyuma.Mungu ameacha askari wa kipagani kubomoa hekalu na kuiba vitu vyake vya thamani. Hivyo sherehe zilizofanyika hapo zimekoma, viongozi wa Yerusalemu wameondoka, na njaa kali imeleta vifo barabarani. Mungu amefanya hayo yote yawapate ili wajue hasira yake juu yao wanaomwasi. La kutisha zaidi ni kwamba Mungu hasemi nao tena,naam, manabii wake hawapati maono Yatokayo kwa Bwana(m.9b).
Andiko
Kuhusu Mpango huu
Soma Biblia Kila Siku Machi/2022 ni mpango wa kusoma Biblia sehemu kwa sehemu kila siku kwa mwezi wa Machi pamoja na maelezo mafupi yatakayokusaidia kuelewa kwa urahisi na kuendelea kutafakari neno la Mungu ulilosoma kwa siku husika. Katika mpango huu utasoma zaidi katika kitabu cha Maombolezo na Luka. Karibu kujiunga na mpango huu na usome bure.
More
Tungependa kuwashukuru Soma Biblia kwa kutoa mpango huu. Kwa habari zaidi, tafadhali tembelea: http://www.somabiblia.or.tz/
