Soma Biblia Kila Siku Machi/2022Mfano

Walianza kurufahi na kumsifu Mungu kwa sauti kuu, kwa ajili ya matendo yote ya uwezo waliyoyaona, wakasema, Ndiye mbarikiwa Mfalme(m.37-38). Kwa jinsi wanafunzi walivyoelewa maandiko ya manabii (Agano la Kale) walifikiri kwamba sasa ndio muda wa Ufalme wa Mungu kuonekana kwa wazi. Yesualikuwa karibu na Yerusalemu, na wao walidhani ya kuwa ufalme wa Mungu utaonekana mara(m.11). Walikuwa hawajaelewa maandiko yasemayo kwamba itabidi kwanza Masihi (Kristo) ateseke na kuuawa! Baadaye Petro na wenzake walielewa kwa msaada wa Roho (k.m. 1 Pet 1:18-19 na 2:24,Nanyi mfahamu kwamba mlikombolewa si kwa vitu viharibikavyo, kwa fedha au dhahabu; mpate kutoka katika mwenendo wenu usiofaa mlioupokea kwa baba zenu; bali kwa damu ya thamani, kama ya mwana-kondoo asiye na ila, asiye na waa, yaani, ya Kristo. ...Yeye mwenyewe alizichukua dhambi zetu katika mwili wake juu ya mti, tukiwa wafu kwa mambo ya dhambi, tuwe hai kwa mambo ya haki; na kwa kupigwa kwake mliponywa). Je, wewe umeelewa?