Soma Biblia Kila Siku Februari/ 2022Mfano

Kila muumini amechaguliwa na Mungu kuwa mwanawe mpendwa (m.5,Kwa kuwa alitangulia kutuchagua, ili tufanywe wanawe kwa njia ya Yesu Kristo, sawasawa na uradhi wa mapenzi yake). Dhambi ilitutenga na Mungu, lakini tayari alikuwa na mpango wa wokovu tangu milele. Huo ulikuwa umefichwa, lakini sasa Mungu ametufunulia, akiutekeleza katika Kristo Yesu. “Ukombozi” (m.7), maana yake ni kumtoa mtu kutoka katika utumwa fulani (dhambi) kwa malipo fulani (damu ya Yesu). Ni “masamaha ya dhambi” ambayo a) yanatuweka huru, b) kutuwezesha kufanana na Yesu ambaye ni mzaliwa wa kwanza miongoni mwa ndugu wengi (Rum 8:29,Maana wale aliowajua tangu asili, aliwachagua tangu asili wafananishwe na mfano wa Mwana wake, ili yeye awe mzaliwa wa kwanza miongoni mwa ndugu wengi), c) kutufanya kuwa sifa ya utukufu wake (1:12,Katika [Kristo] tupate kuwa sifa ya utukufu wake), na kutenda mema (2:10,Tu kazi yake, tuliumbwa katika Kristo yesu, tutende matendo mema, ambayo tokea awali Mungu aliyatengeneza ili tuenende nayo).