Soma Biblia Kila Siku Juni 2021Mfano

Katika Eze 25-32 kuna hukumu saba juu ya mataifa yaliyo kinyume na taifa teule la Mungu. Somo la leo linaonyesha hukumu juu ya Amoni (m.3), Moabu na Seiri (m.8), Edomu (m.12) na Wafilisti (m.15). Sababu za hukumu ni kucheka kwa dharau, kufikiria Israeli ni sawa na wao tu, na kulipiza kisasi kwa ujeuri. Tutambue kuwa Mungu ndiye pekee mwenye maamuzi ya mwisho juu ya watu wake. Agano lake li imara na upendo wake haupungui kwa watu wake. Maana milima itaondoka, na vilima vitaondolewa; bali wema wangu hautaondoka kwako, wala agano langu la amani halitaondolewa; asema Bwana akurehemuye (Isa 54:10). Sisi tunaomwamini Yesu, Mungu wetu ni huyohuyo!