Soma Biblia Kila Siku Juni 2021Mfano

Wanafunzi walikuwa wazito kusikia na kuelewa fundisho la Yesu kuhusu cheo katika ufalme wa Mungu. Wewe uliye na cheo fulani katika kanisa, je, umelielewa? Fundisho la Yesu ni kwamba ukuu katika ufalme wa Mungu ni kutumia cheo ulichopewa kwa ajili ya kuwahudumia na kuwatumikia wale unaowaongoza: Mtu anayetaka kuwa mkubwa kwenu, atakuwa mtumishi wenu, na mtu anayetaka kuwa wa kwanza wenu, atakuwa mtumwa wa wote (m.43-44). Ukitumia nafasi yako kwa ajili ya kujikuza na kujinufaisha mwenyewe, hufai kuwa mtumishi wa Bwana! Yesu mwenyewe ni mfano kwako wa kufuata. Kwa maana Mwana wa Adamu naye hakuja kutumikiwa, bali kutumika, na kutoa nafsi yake iwe fidia ya wengi (m.45; ukiwa na nafasi, soma pia Flp 2:3-8). U heri ukitubu na kutii!