Soma Biblia Kila Siku Februari 2021Mfano

Watu wanaomtegemea Mungu kweli, wakiomba, hakika Mungu huwapatia haja zao. Kuna wakati watu hutucheka na kutuona kama tusiojibiwa. Au sisi wenyewe tunaweza kudhani Mungu hatusikii. Tena kuna nyakati tunajibiwa kwa namna tofauti na tulichoomba. Lakini Bwana atasikia nimwitapo. Ndio ushuhuda wa Mtunga zaburi (m.3). Kwa hiyo tusikate tamaa. Tumgojee Mungu (m.5,… kumtumaini Bwana). Kisha tuombapo tuangalie vema baraka tulizokirimiwa. Zaburi inataja zipi? Rudia m.7-8, Umenitia furaha moyoni mwangu, Kupita yao wanapozidishiwa nafaka na divai.Katika amani nitajilaza na kupata usingizi mara, Maana Wewe, Bwana, peke yako, Ndiwe unijaliaye kukaa salama. Hizi zaweza kuwa tayari ni majibu kwetu pia.