Soma Biblia Kila Siku Februari 2021Mfano

Abramu akaisikiliza sauti ya Sarai(m.2). Imepita miaka 10 tangu walipofika nchi ya Kanaani (m.3,Sarai mkewe Abramu akamtwaa Hajiri Mmisri mjakazi wake, baada ya kukaa Abramu katika nchi ya Kanaani miaka kumi, akampa Abramu mumewe, awe mkewe). Sarai alikuwa bado hajampata mtoto. Akashindwa kuvumulia na kumngoja Bwana. Akapata wazo kwamba labda ataweza kupata uzao kwa njia ya mjakazi wake, Hajiri. Abramu akalikubali neno la mke wake. Huenda alifikiri kuwa ndivyo Mungu anavyotaka kuitimiza ahadi yake? Lakini kwa kufanya hivi walifuata mawazo yao wenyewe. Hawakuambiwa na Bwana. Matokeo yake ni ugomvi ndani ya nyumba (ling. Mwa 30:1nk, Raheli alipoona ya kuwa hamzalii Yakobo mwana, Raheli alimwonea ndugu yake wivu. Akamwambia Yakobo, Nipe wana; kama sivyo, nitakufa mimi.Yakobo akamghadhibikia Raheli, akasema, Je! Mimi ni badala ya Mungu, aliyekuzuilia uzao wa mimba?Akasema, Yuko mjakazi wangu, Bilha, uingie kwake ili kwamba azae juu ya magoti yangu, nami nipate uzao kwa yeye.Basi akampa Bilha mjakazi wake kuwa mkewe. Yakobo akaingia kwake. …)!