Soma Biblia Kila Siku Februari 2021Mfano

Malaika wa Bwana akamwona kwenye chemchemi ya maji katika jangwa(m.7). Ni wazi kwamba baraka ya Mungu ilikuwa bado juu ya Abramu. Maana Mungu aliamua mwenyewe kujifunua kwa Hajiri ili kuondoa ugomvi katika nyumba ya Abramu (m.9, Malaika wa Bwana akamwambia, Rudi kwa bibi yako, ukanyenyekee chini ya mikono yake)! Maana ya "Ishmaeli" ni "Mungu amesikia" (ling. maelezo ya malaika katika m.11,Utamwita jina lake Ishmaeli, maana Bwana amesikia kilio cha mateso yako). Ishmaeli ni chanzo cha Waarabu. Wako wengi sana sawasawa na Hajiri alivyoahidiwa (m.10,Hakika nitauzidisha uzao wako, wala hautahesabika kwa jinsi utakavyokuwa mwingi). Kisima kikaitwa "Kisima cha Aliye hai anionaye" (m.13-14). Fanya kama Hajiri. Ita jina la Bwana Aliye hai akuonaye!