Soma Biblia Kila Siku Februari 2021Mfano

Abramu alipewa neno la faraja na la baraka nyingi: Usiogope, Abramu, Mimi ni ngao yako, na thawabu yako kubwa sana(m.1). Ni neno la Mungu aliye juu sana, Muumba wa mbingu na nchi! Hata hivyo Abramu hakufurahi, maana hakuwa na mtoto. Akawa na mashaka juu ya ahadi ya Mungu. Je, uzao wake kweli utairithi nchi? Ndipo Mungu akaithibitisha tena ahadi yake,[Eliezeri] hatakurithi, bali atakayetoka katika viuno vyako ndiye atakayekurithi. Tazama sasa mbinguni, kazihesabu nyota, kama ukiweza kuzihesabu. Akamwambia, Ndivyo utakavyokuwa uzao wako(m.4-5)! Zingatia matokeo ya Abramu kusikiliza ahadi hiyo: Abramu akamwamini Bwana.Kwa hiyo habari inaendelea, Naye [Bwana]akamhesabia jambo hili kuwa haki(m.6)! Sikia Injili tena na tena ili udumu katika imani (ling. Rum 10:17,Imani, chanzo chake ni kusikia; na kusikia huja kwa neno la Kristo)!