Soma Biblia Kila Siku 08/2020Mfano

Ujio wa Yesu Kristo katika maisha yetu unaleta maisha ya kuishi kwa kuamua. Maazimio haya ni ya kumfuata, kumkiri, kumwamini na kumtegemea Yesu Kristo. Uamuzi huu, ndio unaotuwezesha kuishi na kufuata utakatifu wa Yesu Kristo. Ahadi za Yesu Kristo haziambatani na dhambi wala ukengeufu. Zingatia k.m. ilivyoandikwa katika mistari ifuatayo: Kristo naye aliteswa mara moja kwa ajili ya dhambi, mwenye haki kwa ajili yao wasio haki, ili atulete kwa Mungu(1 Pet 3:18). Yesu, kwa sababu ya maumivu ya mauti, amevikwa taji ya utukufu na heshima, ili kwa neema ya Mungu aionje mauti kwa ajili ya kila mtu(Ebr 2:9). Basi, iwapo tunaye kuhani mkuu aliyeingia katika mbingu, Yesu, Mwana wa Mungu, na tuyashike sana maungamo yetu.Kwa kuwa hamna kuhani mkuu asiyeweza kuchukuana nasi katika mambo yetu ya udhaifu; bali yeye alijaribiwa sawasawa na sisi katika mambo yote, bila kufanya dhambi(Ebr 4:14-15). Kristo Yesu ndiye aliyekufa; naam, na zaidi ya hayo, amefufuka katika wafu, naye yuko mkono wa kuume wa Mungu; tena ndiye anayetuombea(Rum 8:34). Kumfuata Yesu Kristo kunatupatia uhakika wa kuishi kwa uaminifu kama yeye alivyo.