Soma Biblia Kila Siku 05/2020Mfano

Je, wewe uliyemwamini Bwana Yesu umepata kufikiria ukuu, uweza na mamlaka ya Bwana wako? Fikiri tena sasa anapokuagiza katika somo la leo kwenda kuwatangazia walimwengu habari zake Yeye aliye mshindi wa mauti; na kisha kuwabatiza na kuwaimarisha kwa mafundisho. Hakuna sababu ya kuogopa chochote, kwa kuwa Kristo mwenyewe ameahidi kuwa pamoja nasi na anao uwezo mkuu kwa njia ya Roho Mtakatifu kututia nguvu na uwezo, wote wenye utayari wa utumishi huu. Hima amka na tukatende sasa!