Soma Biblia Kila Siku 05/2020Mfano

Siwaandikii amri mpya (m.7). Si agizo jipya! Maana ni ndani ya agizo la ‘kulishika Neno’. Hata hivyo ni agizo jipya, kwa kuwa Kristo alikuja, na nuru imekwisha kung’aa (m.8). Yesu ndiye “ile nuru ya kweli” (Yn 1:9), yaani, upendo wa Mungu unang’aa katika Kristo. Ili hiyo nuru ya kweli ipate nafasi ya kung’azia maisha yetu, tukae katika Neno. Yeye apendaye ndugu yake, akaa katika nuru, wala ndani yake hamna kikwazo (m.10). Anayefaulu hapa ni huyu anayeenenda mwenyewe vilevile kama Yesu alivyoenenda (m.6). La sivyo, bado giza inatawala maishani mwako (Mt 5:16, Nuru yenu na iangaze mbele ya watu, wapate kuyaona matendo yenu mema, wamtukuze Baba yenu aliye mbinguni).