Soma Biblia Kila Siku 05/2020Mfano

Hakuna awezaye kuizuia mipango na makusudi ya Mungu. Walinzi waligwaya mbele ya kishindo cha malaika. Hakuna aliyejua jinsi Yesu alivyoacha kaburi, na kushinda kifo na mauti. Wote wamwaminio watashinda mauti hivyo hivyo. Kwao, Yesu ni mzaliwa wa kwanza na limbuko lao waliolala katika imani (1 Kor 15:20, Kristo amefufuka katika wafu, limbuko lao waliolala). Kwa hiyo tujapokufa katika mwili, tutafufuka atakaporudi Yesu, na tutavikwa hali mpya ya kutoharibika. Changamoto kwetu ni hii: kutamani kufufuliwa na kuwa pamoja na Yesu (1 Yoh 3:2-3,Wapenzi, sasa tu wana wa Mungu, wala haijadhihirika bado tutakavyokuwa; lakini twajua ya kuwa atakapodhihirishwa, tutafanana naye; kwa maana tutamwona kama alivyo.Na kila mwenye matumaini haya katika yeye hujitakasa, kama yeye alivyo mtakatifu).