Soma Biblia Kila Siku 05/2020Mfano

Yesu alipofufuka alijidhihirisha kwa wengi. Paulo anaorodhesha mashahidi wengine ambao Yesu aliwatokea baada ya kufufuka kwake: Baadaye aliwatokea ndugu zaidi ya mia tano pamoja; katika hao wengi wanaishi hata sasa, ila baadhi yao wamelala;baadaye akamtokea Yakobo; tena na mitume wote;na mwisho wa watu wote, alinitokea mimi, kama ni mtu aliyezaliwa si kwa wakati wake (1 Kor 15:6-8). Hata sasa, Yesu anaendelea kujidhihirisha kuwa yu hai kwa njia ya kuendelea kuokoa na kuleta maisha mapya kwa wote wanaomwamini. Waliomwua walitumia fedha na kutunga uongo kujaribu kuuzima ukweli. Hata kuna watu wanaodanganyika kuwa mwili wa Yesu uliibwa na maiti yake kufichwa. Lakini hakuna mashaka! Bwana Yesu alikufa na akafufuka siku ya tatu kama yanenavyo Maandiko. Na ufalme wake unaendelea kuenea duniani pote.