Kusikia Kutoka Kwa Mungu Kila AsubuhiMfano

Mungu Ataihuisha Nafsi Yako

Hunihuisha Nafsi Yangu (ZABURI 23:3)

Kwa kipindi cha muda mrefu, nilikemea chochote ambacho sikutaka kwa sababu nilifikiri lazima kilitoka kwa shetani. Nimesema kwamba nilikemea hadi “mkemeaji” wangu akachoka tu kabisa. Lakini nikagundua kuwa mengi niliyokuwa nikijaribu kukemea yalikuwa yanatoka kwa Mungu. Wingi wa vitu ambavyo sikutaka wala kupenda vilikuwa vitu ambavyo Mungu alikuwa ameruhusu kwa kukua na kustawi kwangu. 

Mwandishi wa Waebrania alisema kwamba lazima tujisalimishe kwa marudia ya Mungu. Huturudi tu kwa kuwa anatupenda. Usijaribu kupinga kitu ambacho Mungu anakusudia kutumia kwa sababu ya unyofu wako. Mwambie Mungu kufanya kazi yenye uketo na kamilifu ndani yako ili uwe kila kitu anachotaka uwe, ufanye kila anachotaka ufanye, na kuwa na vyote anavyotaka uwe navyo. Katika miaka yangu ya kupinga chochote kilichonitia uchungu au kunitatiza, ukweli ni kwamba sikukua kiroho. Nilizidi kuzunguka na kuzunguka mlima huo huo (matatizo) wa kale. Mwishowe, nikagundua kuwa nilikuwa najaribu kuepuka uchungu, na hata hivyo nilikuwa na uchungu. Uchungu wa kuishi jinsi tulivyo ni mbaya sana kuliko uchungu wa kuleta mabadiliko.

Nafsi yetu ni roho zetu (fikra, hiari na hisia), lakini hujeruhiwa na tajriba za ulimwengu kila mara. Mungu anaahidi kuhuisha roho zetu iwapo tutashirikiana na kazi ya Roho Mtakatifu ndani yetu. Nilikuwa na roho iliyovunjika na ambayo ilikosa furaha wala amani, lakini Mungu amenifanya kuwa mkamilifu na anataka kukufanyia vivyo hivyo

NENO LA MUNGU KWAKO LEO

Fungua roho yako kwa Bwana na umwambie akuponye kila kidonda na alama ya pigo.