Kusikia Kutoka Kwa Mungu Kila AsubuhiMfano

Kuwa Mwenye Kutarajia

Nafsi yangu, umngoje Mungu peke yake. Tumaini langu hutoka kwake (ZABURI 62:5) 

Nguvu za Mungu huachiliwa tunapoomba kwa imani, tukitumaini na kumwamini, kwa sababu imani humpendeza. Kutarajia ni kipengele cha imani ambacho hubeba aina yake ya nguvu- nguvu ya tumaini. Imani huenda katika ulimwengu wa kiroho na kutarajia nguvu za Mungu za kiungu kudhihirika na kufanya kile ambacho mtu ulimwenguni asingefanya. Shaka, kwa upande ule mwingine, huwa na hofu kwamba hakuna kitu kizuri kitakachofanyika; haimpendezi Mungu na si kitu ambacho anaweza kubariki. Tunakosa nguvu tukiishi na shaka, masikitiko na kukosa uhakika ndani ya Mungu. 

Fikiria tu muda ambao hukuwa na uhakika kwamba Mungu atakutendea. Hukuweza kuomba maombi ya nguvu, uliweza kweli? Sasa kumbuka wakati ambao moyo wako ulimwamini Mungu kikamilifu na ukaamini kwamba kwa kweli atakutendea. Uliweza basi kuomba ukiwa na hisia za nguvu wakati huo, siyo? Hiyo ni nguvu ya matarajio katika maombi. Hata kama vitu havitakuwa vile tu ulivyotarajia viwe, amini Mungu anayejua kilicho chema na uendelee kumtarajia kutenda mambo makuu. 

NENO LA MUNGU KWAKO LEO

Tarajia Mungu kutenda mambo makuu katika maisha yako na uombe kwa ujasiri.