Soma Biblia Kila Siku 04/2020Mfano

Kabla ya kupaa kwa Yesu Kristo, aliwaandalia wanafunzi wake karamu ambayo leo tunaiita Chakula cha Bwana. Tendo hili si la kimwili tu kwa kula chakula, bali ni jambo la kiroho linalotufundisha upendo wa Yesu kwa wanadamu. Tunaposhiriki kula mwili na damu ya Yesu twakumbuka mauti yake, na twajenga ushirika naye katika kifo na kufufuka kwake. Kwa njia ya kupokea chakula cha Bwana kwa imani, sisi tumepona. Pia tumepewa karamu hii ili itutie hamu ya kushiriki itakapotimizwa. Fikiria m.16, ambapo Yesu anaahidi kwamba siku moja Chakula cha Bwana kitakamilika kwenye karamu ya kimbinguni, akisema, Nawaambia ya kwamba siili tena hata itakapotimizwa katika ufalme wa Mungu.