Soma Biblia Kila Siku 04/2020Mfano

Mambo yote yaliyotabiriwa kuhusu Yesu, hata aina ya kaburi alimozikwa yalitimia na yameendelea kudhihirika hata leo. Isaya 53:9 inasema: Wakamfanyia kaburi pamoja na wabaya; Na pamoja na matajiri katika kufa kwake; Ingawa hakutenda jeuri, Wala hapakuwa na hila kinywani mwake.Mstari huu ulitimia katika kifo chake kilicholeta wokovu. Ijapokuwa Yesu alidharauliwa na kudhalilishwa, heshima na ufalme wake uliendelea na unaendelea kudhihirika kwa watu wote. Kwa hiyo hakuna nguvu wala mamlaka itakayoweza kuuzuia au kuufunika ukuu wa Yesu. Yeye ataadhimishwa katika maeneo yote ya maisha yetu. Kwa sababu hiyo, astahili kuwa Bwana wetu sisi sote.