Soma Biblia Kila Siku 04/2020Mfano

Sura za mwanzo za kitabu cha Ayubu zaonyesha kuwa Ayubu alipatwa na majaribu ya kupotelewa mali na wanawe. Baadaye aliugua sana. Mungu ndiye aliyempa shetani ruhusa ya kumtesa Ayubu. Marafiki waliokuja kumfariji, walimwona kuwa mdhambi aliyekuwa anapatilizwa na Mungu. Utetezi wa Ayubu waliutafsiri kama kukosa hekima na kicho kwa Mungu. Ni rahisi kuwahukumu wengine kwa sababu za mambo yanayowapata. Jambo bora kuliko yote ni kuwahurumia na kuwaombea rehema.