Soma Biblia Kila Siku 04/2020Mfano

Ayubu alikuwa mcha Mungu (Ayu 1:1). Wengi tumeamini kuwa tukiwa hivyo, maisha yatakuwa ya raha tupu. Lakini hapa twaona Ayubu akiteseka na kukata tamaa. Kaburi ni njia pekee anayoiona. Dhihaka za watu (m.2 BHN, Wanaonidhihaki wamenizunguka, dhihaka zao naziona dhahiri) na majonzi (m.7, Jicho langu nalo limekuwa giza kwa sababu ya majonzi, Na via vyangu vyote vimekuwa kama kivuli) vimempofusha asione tumaini tena kuhusu maisha ya raha ng'ambo ya kaburi. Mungu anatufundisha kuwa kama tukimwamini Yesu, kaburi ni njia tunayopita kuelekea pumziko la furaha na amani milele. Basi, tusione mateso ya sasa, na hata kifo kinachotukaribia, ni mwisho mbaya.