Soma Biblia Kila Siku 7Mfano

Mwisho wa yote aliyoona Danieli ni kwamba Mungu atatawala. Ila huo mwisho utakuwa lini? Jibu analosikia nabii ni “nyakati tatu na nusu” (m.7). Ni sawa na muda ambao watakatifu wa Mungu watatiwa mikononi mwa mpinga Kristo (7:25, Naye atawadhoofisha watakatifu wake Aliye juu; naye ataazimu kubadili majira na sheria; nao watatiwa mikononi mwake kwa wakati, na nyakati mbili, na nusu wakati). Nguvu zao zitavunjika, lakini kumbe, wapitapo katika majaribu na mateso hayo, Mungu atayatumia kwa ajili ya kuwasafisha. Subira inahitajika, maana Mungu hafunui mambo yote kwa pamoja. Heri angojaye kama Danieli na kubaki mwaminifu hadi ujio wa Kristo na ufufuo.