Uamuzi Mkubwa Zaidi wa Maisha Yako!Mfano

“Wokovu : Sehemu ya Mungu na Sehemu Yako”
 

  Wokovu wako unaleta pamoja maamuzi mawili muhimu. Uamuzi wa kwanza ni ule   alioufanya Mungu zamani sana wa kumleta mwanae ulimwenguni kuwa mwokozi wetu   pekee.  Wa pili ni uamuzi wako wa   kumpokea Mwanae kama mwokozi WAKO.
 

  “Kwa maana mmeokolewa kwa neema, kwa njia ya imani; ambayo hiyo haikutokana   na nafsi zenu, ni kipawa cha Mungu – wala si kwa matendo, mtu awaye yote   asije akajisifu.” Waefeso 2:8-9
 

  NEEMA inafafanuliwa kuwa ni kibali usichokistahili au kukifanyia kazi. Neema   ni sehemu ya Mungu katika wokovu, na anatoa kibali chake kwa wanadamu  kwa kumtoa Yesu aliye zawadi kamilifu.   Kupitia msalaba, Yesu alilipa gharama kamili kwa adhabu ya dhambi zetu. Na   kupitia Yesu, neema ya Mungu iliyofanyika mwili, hakuna kiasi cha matendo   mema yanayohitajika kutoka kwetu, au tuliyowahi kulipa. Hatuwezi kuulipia   wokovu wetu; ni zawadi ya bure unaopatikana kwa wote, usiohitaji malipo   kutoka kwetu.
 

  IMANI inaelezwa kuwa ni uhakika wa kuwepo kwa kitu fulani ingawa hukioni kwa   dhahiri au kuweza kukigusa.  Imani   inahitajika kwenye upande wa sehemu yetu katika wokovu, kama tendo la utashi   wetu, tunachagua kuyaachia maisha yetu kwa Mungu kwa kumfanya Yesu Bwana wa   maisha yetu. Unapopokea kwa imani neema ya Mungu kupitia Yesu Kristo, bila   mashaka na bila maswali, unakuwa mwenye hatima ya umilele na Mungu mbinguni.   Unaweza kuwa na uhakika 100% ya ukweli huu! 

Ingawa   matendo mema hayawezi kutupa haki ya wokovu, yana nafasi muhimu katika maisha   yetu ya Kikristo mara baada ya kumpokea Yesu.
 

  “Maana tu kazi yake, tuliumbwa katika Kristo Yesu, tutende matendo mema,   ambayo tokea awali Mungu   aliyatengeneza ili tuenende nayo.” Waefeso 2:10
 

  Mungu ana kusudi maalum kwa maisha yetu, undani wa jambo hilo zaidi ni wa mtu   na Mungu, Lakini Mungu ana kusudi la kawaida kwa watoto wake wote, na hilo ni   kule kuweka imani yetu katika matendo   kwa kufanya matendo mema. Tunapofanya hivyo, tunatimiza sehemu muhimu ya   mpango wa Mungu kwa maisha yetu, na tunakuwa na nafasi ya kuangaza upendo   wake kwa watu wengine. Wokovu ni yote kwa pamoja, mwanzo mpya na mwisho mpya   na ni sababu iletayo kusheherekea. Wewe ni kiumbe kipya, umebadilishwa milele!