Uamuzi Mkubwa Zaidi wa Maisha Yako!Mfano

“Sote   Tunahitaji Mwokozi”
 

  Mungu alipomuumba Adamu na Hawa, aliwaumba pasipo dhambi na katika mahusiano   kamili na Yeye. Walipokosa utii kwa   Mungu katika sura ya tatu ya kitabu cha Mwanzo, waliingiza dhambi katika   maisha yao, na pia kwa wanadamu wote. Warumi  3:23 inaeleza juu ya athari kubwa ya uamuzi   wa Adamu na Hawa.
 

  “... kwa sababu wote wamefanya dhambi, na kupungukiwa na utukufu wa Mungu.” Warumi   3:23
 

  Hakuna mtu asiyehusika na dhambi na athari yake, kila mmoja wetu yu katika   hukumu. Matokeo yake, sisi sote tumetengwa mbali na Mungu. Dhambi zetu pia   zina athari ya milele.
 

  “Kwa maana mshahara wa dhambi ni mauti.” Warumi 6:23a
 

  Kwa sababu ya uamuzi wa Adamu na Hawa wa kutomtii Mungu, kifo kikawa   hakiepukiki kwao na kwa uzao wao wote (wanadamu wote); kimwili na kiroho. Baada ya kushindwa kwao, Mungu alikuwa akikabiliwa na kufanya   uamuzi: kuruhusu dhambi kufanya kazi yake kwa wanadamu, kukiwa na matokeo ya   kuondoa kizazi cha mwanadamu, au kutoa njia ya kumuokoa mwanadamu kutoka   athari za dhambi. Ashukuriwe Mungu, ukiwa ni mwonekano wa juu wa upendo wake   na neema yake, Mungu alitoa njia ya wokovu kupitia mwana wake.
 

  “Kwa maana jinsi hii Mungu aliupenda ulimwengu, hata akamtoa Mwanawe pekee   ili kila mtu amwaminiye asipotee, bali awe na uzima wa milele.” Yohana 3:16
 

  “...bali karama ya Mungu ni uzima wa milele katika Kristo Yesu Bwana wetu.” Warumi   6:23b
 

  Nje ya Yesu Kristo, hatima ya mwanadamu ni kifo cha kimwili na kiroho pia; hakuna   utofauti. Lakini kwa sisi tulio ndani ya Kristo, kifo cha kimwili   kinatusubiri, lakini kifo cha kiroho (jehanamu) hakitatupata. Isipokuwa,   uzima wa milele Mbinguni unatusubiri baada ya kuondoka hapa duniani. Kupitia   dhabihu kamilifu ya Yesu na kufufuka kwake kutoka kwa wafu, tumeepuka adhabu   ya kiroho ya dhambi!