Soma Biblia Kila Siku 4Mfano

Kwa sababu ya upendo wa Paulo kwa Wathesalonike, hakuweza kuvumilia (m.1 na 5) hali ya kutokuwa na habari yao. Kwa hiyo akamtuma Timotheo awaimarishe kiimani. Amani na maendeleo si uthibitisho kwamba tu Wakristo wa kweli. Dhiki za Kikristo ni tokeo la kuipokea Injili. Huja kwa sababu ya wasioamini (mlipata mateso yale yale kwa watu wa taifa lenu wenyewe, waliyoyapata na hao kwa Wayahudi; ambao walimwua Bwana Yesu, na hao manabii, na kutuudhi sisi; 2:14f) na Shetani (m.5), wala si alama ya kwamba hatumpendezi Mungu. Tukidhikiwa, twahitajiana. Ukiwa mlezi, uwafariji watoto wako wa imani (m.2). Ukiwa mtoto kiimani, kusimama imara kwako humfariji mlezi wako (m.5)!