Soma Biblia Kila Siku 4Mfano

Mungu aliwaongoza Waisraeli kwa njia ya pekee. Hakuchagua ile ya kawaida, ile ya Wafilisti, ingawa ilikuwa ya karibu, bali aliwaelekeza jangwani. Soma sababu katika m.17! Sisi sasa tunaelewa malengo ya Bwana kwao siku zile, lakini kuhusu njia za Bwana maishani mwetu, mara nyingi hatuelewi kama vile hao hawakuelewa kwanza. Ndipo tukumbuke kuwa yeye anajua kuliko sisi, na anatupenda. Inaonekana kwa jinsi Mungu alivyowaelekeza jangwani akiwa karibu nao na kuwaongoza wakati wote kwa njia ya nguzo ya wingu na ya moto. Pia sisi tunaomcha Bwana, tunaongozwa naye: Ni nani amchaye Bwana? Atamfundisha katika njia anayoichagua(Zab 25:12)!