Jeto një jetë të mbushur me qëllim!Shembull

“Shërbeju të tjerëve”

Përkufizimi i të shërbyerit është thjesht të qenit i disponueshëm për t'iu përgjigjur nevojës së dikujt. Kjo përgjigje mund të kërkojë kohën, talentin, burimet dhe përpjekjen tonë; por të shërbyerit nga dashuria për Perëndinë dhe për të tjerët mund të jetë një nga përvojat më të gëzueshme dhe më shpërblyese.

“Gjithsecili le ta vërë në shërbim të tjetrit dhuntinë që ka marrë, si kujdestarë të mirë të hirit të shumëfarshëm të Perëndisë.” 1 Pjetrit 4:10

“Ndihmoni për nevojat e shenjtorëve, jini mikpritës.” Romakëve 12:13

Përgjigja ndaj nevojave të të tjerëve mund të vijë në shumë forma dhe mund të përqëndrohet si në nevojat e të krishterëve, ashtu edhe ato jobesimtarëve. Qoftë individualisht, apo si pjesë e një skuadre në kishën locale, ka gjithmonë mundësi për të shërbyer. Ti KE për të ofruar diçka shumë të vlefshme!

Ka gjithashtu mundësi që lindin nga kontakti i thjeshtë individual me njerëzit, ose thjesht duke parë nevojën e dikujt dhe duke i dhënë ndihmë.

Çdo përgjigje që jep, qoftë kohën, burimet, talentet, apo thjesht një fjalë inkurajuese, është një vepër shërbimi. Por, Perëndia gjithashtu e kupton se kemi një aftësi të kufizuar në çfarë mund të ofrojmë, prandaj ai pret që kur bëjmë zotime të tregojmë përgjegjësi dhe administrim të mirë.

“Secili le të veprojë ashtu si ka vendosur në zemrën, as me keqardhje as nga shtrëngimi, sepse Perëndia do një dhurues të gëzuar.” 2 Korintasve 9:7

Perëndia dëshiron që ne të japim nga vetja me gëzim. Ndonëse ndonjëherë disa prej nesh e kanë të vështirë të thonë jo, e vërteta është se tejzgjatja e vetes mund të na rrëmbejë gëzimin që Perëndia dëshiron të kemi kur shërbejmë.